Van Dajk: Dua të kujtohem si një legjendë në Liverpul
Nuk ishte mjaftueshëm i aftë për të luajtur si qendërmbrojtës në moshën 16-vjeçare, por Virgil Van Dajk është i vendosur për t'u shndërruar në një legjendë në "Anfield Road". "Dua të kujtohem si një legjendë e Liverpulit", tha mbrojtësi holandez për radion "BBC". "Dua të arrij gjëra fantastike këtu. Kemi një skuadër fantastike, i kemi të gjitha mundësitë". Te Vilem II, kur ishte 16-vjeç, Van Dajku kujton sesi e spostuan nga qendra e mbrojtjes në krah të djathtë: "Nuk isha mjaftueshëm i gjatë. Vëllai im po zgjatej më shumë se unë, por brenda një viti u rrita me 18 cm. Pata probleme prej kësaj, me ijën dhe me gjunjët. Pas 6 javëve rehabilitim nisa të luaj mirë".