Зноў прыляцела чырачка
Падчас сёлетняга святкавання, якое выпала на 13 сакавіка, у Тонежы праводзілі зіму, палілі яе пудзіла на вогнішчы, гукалі вясну. Адметнасць мясцовага свята — традыцыйнае печыва ў выглядзе птушкі- чырачкі, ад якой і атрымаў назву сам абрад, старажытныя абрадавыя спевы, карагоды і гульні, качанне з гары, а таксама елачка, якую пад песні спачатку ўпрыгожылі, а напрыканцы замацавалі на самым высокім дрэве на ўзвышшы каля вёскі.
Непаўторнасць свята стала асновай таго, што ў студзені гэтага года Беларуская рэспубліканская навукова- метадычная рада па пытаннях гісторыка- культурнай спадчыны пры Міністэрстве культуры падтрымала прапанову аб прыданні абраду гукання вясны “Чырачка” статуса нематэрыяльнай гісторыка- культурнай каштоўнасці Рэспублікі Беларусь. Куратарам абраду прызначаны Гомельскі абласны цэнтр народнай творчасці, пры непасрэдным удзеле якога падрыхтавана дакументацыя.
Штогод у апошні дзень Масленічнага тыдня ў аграгарадку Тонеж Лельчыцкага раёна адзначаюць свята “Чырачка”.