Адноўленыя землі — у севазварот
Летась Калінкавіцкае прадпрыемства меліярацыйных сістэм перадало ў сельгаспрадпрыемствы “Дружба-Аўцюкі” і “50 год БССР” каля 600 гектараў адноўленых плошчаў, поўнасцю гатовых да сяўбы, што значна больш, чым у сярэднім іншымі ПМС “Гомельмеліяводбуда”.
І сёлета, як паведаміў дырэктар прадпрыемства Міхаіл Шпакоўскі, плануецца перадаць вяскоўцам раёна амаль такую ж плошчу. Зараз меліяратары эфектыўна вядуць работы. На адноўленых землях у асноўным вырошчваюцца збожжавыя, прапашныя культуры і травы. І, як паказвае практыка, даюць высокія ўраджаі. З гектара выходзіць больш за тры дзясяткі цэнтнераў кармавых адзінак. Як і раней калінкавіцкія меліяратары займаюць адно з вядучых месцаў не толькі ў галіне вобласці, але і рэспублікі ў цэлым па рэканструкцыі меліярацыйных зямель.