Неспакойны пачатак года
На аўтадарогах раёна
У мінулым 2020 годзе на тэрыторыі Івацэвіцкага раёна дарожнатранспартныя здарэнні са смяротным зыходам рэгістраваліся толькі на аўтамагістралі М1/Е30. Такі паказчык – прадмет гордасці Дзяржаўтаінспекцыі раёна, бо ўсе астатнія дарогі раёна былі значна больш бяспечнымі.
Але ганарыцца гэтым паказчыкам Дзяржаўтаінспекцыі прыйшлося нядоўга: ужо 6 студзеня 2021 года прыкладна ў 21.20 у в. Стайкі адбыўся наезд на 51-гадовага нецвярозага мужчыну, які ляжаў на праезнай частцы вуліцы. Наезд здзейсніў 25-гадовы вадзіцель «Фольксвагена». Ад атрыманых траўм пацярпелы пешаход, які не быў абазначаны святлоадбівальнымі элементамі, памёр праз некалькі гадзін ва УАЗ «Івацэвіцкая ЦРБ».
Узбуджана крымінальная справа.
Начальнік АДАІ Івацэвіцкага РАУС Васіль ЖУР
звяртае ўвагу, што хутчэй за ўсё загінуўшы пешаход пэўны час блукаў па праезнай частцы, сядзеў ці ляжаў. Не выключана, што яго аб’язджалі аўтамабілі, але нікому не прыйшло ў галаву выклікаць міліцыю, адцягнуць у бок, абазначыць...