Паспяховы выезд у Кобрын
У мінулыя выхадныя дні галоўная хакейная каманда раёна «Рысі» накіравалася ў Кобрын, дзе правяла чарговы матч першынства Аматарскай хакейнай лігі «Бярэсце». Сапернік – ХК «Бона», якая займае другое месца ў турнірнай табліцы. Нагадаем, ХК «Рысі» не ведае паражэнняў у ходзе бягучага першынства
– толькі перамогі і, адпаведна, лідарства.
На гэты раз «Рысі» сустрэлі дастойнае супраціўленне, а перавага нашай каманды з мінімальным лікам – 3:2 – захоўвалася да апошніх хвілін гульні, пакуль не ўдалося закінуць дзве шайбы запар у вароты кабрынчан. 5:2 – з такім лікам атрымана чарговая перамога ў Кобрыне. У складзе нашай каманды двойчы вызначыліся Аляксандр Якубоўскі і Уладзімір Баўфалік, яшчэ адна шайба на рахунку капітана Дзмітрыя Кушнерыка.