Прафсаюзы Брэсцкай вобласці дэлегуюць на Усебеларускі народны сход 59 сваіх прадстаўнікоў
Дэлегатаў вылучылі на пасяджэннях прэзідыумаў 11 абласных арганізацый прафсаюзаў.
Вызначаны таксама рэзерв з 17 чалавек. У складзе прафсаюзнай дэлегацыі рэгіёна – прадстаўнікі ключавых галін эканомікі і сацыяльнай сферы. Гэта работнікі культуры, адукацыі і аховы здароўя, кіраўнікі арганізацый, прадстаўнікі аграпрамысловага комплексу і энергетыкі, прыватнага бізнесу, гандлю і будаўніцтва, транспарту, газавай і паліўнай прамысловасці. Амаль 70% прадстаўнікоў – мужчыны. Пераважная большасць дэлегатаў (93%) мае вышэйшую адукацыю.