Тры горада Ільіной
З 3 снежня па 3 студзеня ў Гродзенскай выставачнай зале будзе працаваць выстава «Ад колеру да манахрому» Вікторыі Ільіной.
Як расказалi супрацоўнiкi выставачнай залы, мастачка апошнiя некалькi гадоў захапляецца манахромным жывапiсам. Яна выкарыстоўвае чорны, белы i шэры колеры, а яшчэ разнастайныя эфекты алейнай фарбы i акрылу. Спецыяльна для гэтай выставы Вікторыя Ільіна зрабiла некалькi твораў даволi вялiкага памеру. Дзякуючы карцiнам можна будзе павандраваць па вулiцах утульнага мястэчка, зазiрнуць у двары, пасядзець у кавярнi… А яшчэ Вiкторыя Iльiна прадстаўляе тры варыянты горада, дзе хочацца жыць: адзiн – заснежаны, другi – таямнiчы ў святле начных лiхтароў i агеньчыкаў у вокнах, а трэцi – летнi, маляўнiчы. Таксама мастачка звяртаецца да нацюрморту i паказвае вясковае асяроддзе.