Рэканструкцыя жывёлагадоўчых памяшканняў на ферме ў Добрыне УП «Шумілінскі райаграсэрвіс» была патрэбна даўно. І калі летась у кароўніку месцамі пачаў абвальвацца дах, пытанне стала рубам: трэба неадкладна рамантаваць. І на гэтыя мэты былі накіраваны ўсе

Нанялі па дагавору брыгаду з Магілёўшчыны, якая за даволі кароткі тэрмін зрабіла новы дах на ферме. А зараз на жывёлагадоўчым аб’екце працуе брыгада з гандлёвага ўнітарнага прадпрыемства «Віцебская біяфабрыка».

— Мы займаемся рамонтам даільных залаў па ўсёй вобласці, — расказаў рабочы Станіслаў Дземітко. — Добрынская ферма стандартная, такіх бачылі сотні. Устанаўліваем новы малакаправод з нержавейкі. Ён будзе больш надзейным і даўгавечным, чым шкляны, які быў тут устаноўлены раней. Работы нямала: чатыры рады трубаправода — па 75 метраў кожны, усталяванне новай электрыкі. Прывезлі новыя светадыёдныя лямпы, якія будуць эканоміць электрычнасць.

На ферме працавала яшчэ і шумілінская брыгада.

— На дагавор падраду ўгаварыў дырэктар гаспадаркі Сяргей Бегуноў, — кажа Аляксандр Селіванаў з Шуміліна. — Пайшоў насустрач, згадзіўся дапамагчы, бо мы з Сяргеем Анатольевічам былыя калегі. Прывёз з сабою чацвёра рабочых, плюс траiх далі ў дапамогу з мясцовай будаўнічай брыгады. Займаемся ўстаноўкай абсталявання гноевыдалення, падводзім да фермы ваду, мяняем латкі для паення жывёлы. Затым зоймемся ўстаноўкай акон з полікарбанату, пафарбуем абсталяванне, адрамантуем уваходныя вароты.

— Вельмі спадзяемся, што работы будуць зроблена якасна і ў тэрмін, — кажа дырэктар УП «Шумілінскі райаграсэрвіс» Сяргей Бегуноў. — Грошы на рэканструкцыю гаспадарка патраціць немалыя, але думаем, што матэрыяльныя выдаткі апраўданы:

На ферме ў Добрыне ідзе рэканструкцыя жывёлагадоўчых памяшканняў. цялятнік: памянялі гноевыдаленне, падвялі ваду, устанавілі новыя паілкі. У памяшканне паставілі ўжо на зімова-стойлавы перыяд 120 цялят на дарошчванне.

жывёла будзе ў камфортных умовах, а малако на новым абсталяванні спадзяемся атрымаць гатунку экстра.

Да слова. Гэта не адзіная рэканструкцыя, якая сёлета зроблена ў Добрыне. Яшчэ вясной давялі да ладу