戴著月經杯可以洞房嗎?

隨著使用月經杯的女生愈來愈多,遇到的奇怪問題也愈來愈多。能在這版面出現的,當然並非月經杯使用教學,今期不如一同研究到底戴著月經杯可否洞房。

Jessica (HK) - - Lifestyle - Text: Lucy Lamb Photo: Shutterstock

首先要說的,是 period sex絕不是罪,女生絕對不需要為了自己的正常生理週期而感到內疚或有其他負面情緒。如果你對period sex有保留的話,一定要表達給另一半知,絕不能帶著驚慌情緒洞房呀。

講返月經杯,呢項發明實在太偉大,既環保又方便,而且舒服到好似無M咁,唔需要畀條M巾焗住,亦都唔會好似tempon咁塞住唔透氣,實在太free,有時真係會唔記得咗自己戴咗杯杯。

不過萬一就喺呢個時候情到濃時,肉棒已經喺妹妹的門口準備就緒,你先記得月經杯仍在陰道內,到底應該乜都唔理繼續翻雲覆雨,定係勁掃興中場休息去倒血?

專家話,首先你要知道自己用緊嘅,係可重覆使用嘅月經杯,定係即用即棄型。可重覆使用嘅月經杯一般都較厚,咁先耐用嘛。如果照進行床事嘅話,有可能會整親弟弟妹妹,而且有舊膠頂住,入得唔深,兩個都唔會舒服。

至於即棄版本嘅月經杯,厚度其實就如厚版嘅保鮮紙,所以即使伴侶突然向你宣床戰的話,也可以應付自如。

無論你喜歡戴著月經杯行房,或是prefer 讓M血飛也好,最緊要都係要同伴侶溝通。如果你唔鍾意 period sex,無論咩原因都唔應該迫你喺嚟M期間行房哦。

Newspapers in Chinese (Traditional)

Newspapers from China

© PressReader. All rights reserved.