書展寸土必爭

Metro Daily Hong Kong - - 財經 -

上星期為「海外女樓神」寫咗篇訪問,佢不知幾開心,同行嘅團友見到佢而家好似明星一樣,佢覺得更有自信、更有光彩!哈哈!作為訪問者,我梗係開心啦!因為能夠將人哋好嘅嘢,以一個真實、無添加嘅感覺同人分享,係非常之重要!而家嘅讀者都唔係傻!期待佢最新嘅樓盤嘅發展、有進一步消息再同大家分享!

下星期係一年一度嘅書展,亦都係暑假嘅一個重點項目!好多出版機構都好重視呢個月,希望可以喺銷售及市場推廣上,為公司品牌再下一城!我識好多參展商都各出奇謀,希望透過書展創造年度佳績!今日多得Dr Max老闆嘅邀請,喺佢今年嘅攤位背景放咗一張Prof J工作嘅照片(圖),老闆盧生同我講今年玩Mood喎!一睇概念圖之後,我開始明白,原來佢想透過一班有知名度嘅朋友對唔同事情嘅專注力,將學生嘅專注力展現出嚟!中小企老闆諗嘢嘅思維真係與別不同!

今年自己冇出書,但已經為明年嘅書展做好準備!一係唔寫,一寫就出兩本書!希望將呢幾年見到、學到嘅嘢,再同讀者分享!而今年稍後時間,自己都會喺《東方日報》同幾位專家朋友合作專欄!同時,嚟緊出差嘅時間又會比以前更加多、留喺香港嘅時間就會更加少!好在喺互聯網世界,基本上我哋喺任何地方,都係可以連結!而喺《都市日報》嘅全新專欄:百變經濟學,基本上就快開始,多謝有金融機構對我嘅支持同信任,贊助我呢個專欄!

新的工作,一追再追!繼續努力!

Newspapers in Chinese (Traditional)

Newspapers from China

© PressReader. All rights reserved.