余文樂

Oriental Sunday - - 太 八姨 手記 -

只要搵到真愛,時間長短唔係問題,好似余文樂同台灣皮帶大王千金王棠云由拍拖、結婚、生B一條龍,前後一年半左右搞掂,前年爆戀情,12月就飛去澳洲結婚,上月10日仲誕下二人嘅愛情結晶余初見Cody㖭!眨吓眼余太都坐完月,余文樂雖然忙演藝事業又要搞個人時裝品牌生意,不過氹老婆呢家嘢,幾忙都要做,近日余文樂就帶住老婆去咗意大利旅行,留言話「希望有生之年可以去更多我想去嘅地方」,相中所見佢哋睇古蹟又去坐船出海睇靚景,仲歎好多美食,難怪樂仔形容今次係「wonderful trip 」啦!更神奇嘅係王棠云生完個零月,已經回復做女嘅身形,完全冇水腫、臉手都好纖瘦!由於王棠云婚前已經陀住BB,婚後隨住個肚愈嚟愈大,連娘家台灣都冇飛番去!好大機會今次歐遊係補度蜜月,不過相信呢對新手父母,離開囝囝成個星期,一定掛死寶寶!

▲兩公婆去旅行,冇帶自拍神棍,想影合照又想睇吓景,惟有利用鏡去幫吓手啦 ﹗

為咗同老婆留倩影,余文樂帶齊架生用相機,唔係用手機hea影㗎! ▲做咗人阿媽嘅王棠云嘟起小嘴,可愛之餘仲有陣少女味!

▲平時為練出六嚿腹肌,飲食都要好節制,去旅行當然放肆吓,睇到樂仔個為食樣就知平時忍得幾辛苦,意大利雪糕咁有名,破戒都值得嘅!

Newspapers in Chinese (Traditional)

Newspapers from China

© PressReader. All rights reserved.