張文慈

Oriental Sunday - - 太 八姨 手記 -

由亞視到電影圈再捱到入無綫,張文慈終於捱出頭,《宮心計2深宮計》一場苦情戲被網友大讚好演技。其實戲如人生,拍戲為養家入宮又反被家人欺騙,現實生活中張文慈一樣係個好家姐,由老到幼孭起全家上身,唔同在細佬知恩圖報仲好錫家姐㖭!

日前張文慈出席宣傳劇集活動,就見到細佬帶埋老婆同囝囝一家三口齊齊去到支持家姐。原來之前一家人約埋張爸爸飲茶再去撐張文慈出騷。早排被指擁有二千萬物業、係隱形富婆,張文慈都解畫,係多年來同細佬同住、直到細佬有家室,再加按物業買多層樓幫細佬上樓咋!之前張文慈講過包起細佬婚宴嘅支出㖭,姊弟感情好到不得了,見到家姐人氣升,細佬實撐到底!

▲原來宣傳活動正好在張爸爸居所附近,所以細佬全家出動,先陪完張爸爸飲茶再陪絕世好家姐開工。

Newspapers in Chinese (Traditional)

Newspapers from China

© PressReader. All rights reserved.