老闆探班大讚阿Sa

劉青雲拍韋家輝靠四字真言

Oriental Sunday - - Contents -

韋家輝相隔多年再執導電影,與由電視神劇《大時代》已成最佳拍檔的劉青雲合作英皇電影《神探大戰》,老闆楊受成專程飛往北京探班,對於首度同韋家輝合作,楊老闆直言:「我想同佢合作好耐,今次終於成事,我對《神探大戰》充滿信心,青雲好戲已經係公認,阿Sa演技愈來愈成熟,獲封影后係遲早嘅事;林峯靚仔又好戲,演警察入型入格!」而青雲在戲中的鬈毛新造型亦告曝光,青雲話:「呢個造型好出色,我今次喺戲中演嘅警察有少少問題,刻劃主要從精神層面著手,甚少電影會咁透徹去探討一個人嘅精神狀態。」青雲又笑言今次再和韋家輝合 作,以「洗盡鉛華」去形容,極具挑戰性。而阿Sa在戲中角色內心戲頗複雜,演盡不同成長階段,阿Sa話:「我由年輕演到結婚、懷孕,中間仲要被虐待。」

而阿Sa跟青雲、韋家輝曾於《鬼馬狂想曲》合作,阿Sa憶及當年導演出名「拍得」,可以不眠不休拍足三十個鐘,所以阿Sa今次有晒足夠心理準備,他謂:「事隔多年,導演變咗,開工第一日就有得早收!令大家都好『失望』,哈哈哈!」大導韋家輝跟青雲呢個完美組合,加埋阿Ss同林峯,令人相當期待!

英皇老闆楊受成親往北京探《神探大戰》班,跟各主角合照,而劉青雲在戲中鬈毛造型亦首度曝光。

Newspapers in Chinese (Traditional)

Newspapers from China

© PressReader. All rights reserved.