回鄉再擺酒

Oriental Sunday - - 太 八姨 手記 -

上年娶完老婆又做埋老竇,郭富城半年內升呢做人夫兼人父,完全被方媛收服變愛妻號,行動勝於一切,雖然上年四月已經在半島酒店大排筵席完婚,女兒Chant九月亦出咗世,不過城城就非常細心,為氹老婆及畀足面外家,今年六月底城城陪老婆方媛飛家鄉安徽蕪湖南陵縣補擺喜酒,更放下天王身段,一身樸實簡約打扮完全融入老婆家鄉拜會鄉親父老,只見城城表現興 不 親切 親 ,就 被在場親 狂影,亦毫無架子 V笑晒開心到四萬咁口,郭天王有幾錫老婆可想而知。

事實上,工作檔期排得緊密的城城,知道老婆怕悶亦唔反對城嫂限量地工作。三月方媛產後首度復工出席美髮產品活動,城城更派出經理人小美全程傍實老婆,相當細心。據知情者透露:「城城始終工作太忙,怕Moka(方媛)湊女辛苦,專登接埋岳父岳母嚟香港住,喺寓所樓下租多個單位,方便佢哋照顧個女又可以湊孫,佢知道老婆仲好大癮想做嘢,亦唔反對城嫂間中做吓Model,只要唔太辛苦唔影響湊女就得!」

▼做咗幸福人夫,城城同老婆拍拖遇上記者亦唔再避忌,拎住大袋外賣上車的他,同老婆好有默契大方任影。

Newspapers in Chinese (Traditional)

Newspapers from China

© PressReader. All rights reserved.