墮馬後有創傷後遺症劉德華揀開學日搞個唱記招

Oriental Sunday - - 太 八姨 手記 -

相隔八年劉德華再次踏上紅館舞台相隔八年劉德華再次踏上紅館舞台,將於將於2018年12月舉行廿場跨年演唱會月舉行廿場跨年演唱會,周一(3周 (3日)假洲際酒店舉行《 My Love Andy Lau 劉德華 World Tour-Hong Kong 2018 》記者招待會。去年因墮馬受傷,演唱會被迫叫停,傷癒後承諾爭取今年開個唱,華仔找數之餘,為免有黃牛黨出現以及心痛早前有歌迷因排隊被黃牛黨襲擊,立即找來應變措拖,把所有門票於周二(4日)網上公開售賣,又指會有專人留意售票情況,若發現有甚麼不尋常情況出現,隨時叫停!

華仔在記招上以one man show 形式談笑風生,又獻唱多首歌及即席跳舞以示身體完全康復。心情大好的華仔更對住現場記者話:「一路以嚟,記者都好錫我,今日你哋問乜我都答,嚟啦!問啦!」現場記者問華仔為何於開學日在開記招?不用湊女返學?華仔話:「我就係要引晒你哋嚟,就唔好去搞我個女!今朝我扮到Batman咁,無被人發現我入咗學校。(屋企人會唔會去睇演唱會?)梗係會嚟啦!」

訪問時問到華仔在演唱會上會否如以往飛天又遁地?華仔話:「今次淨係瞓喺度,會以安全為主,仲專登搵咗個人用耳機提住我嘅走位,今次會預多啲時間踩場去熟習啲個台!」問到他康復情況如何?華仔話:「醫學角度,神經線破壞咗冇得復原,依家腳趾尾都會痺痺哋!自從墮馬後,平時停車都驚後面架車撞埋嚟!創傷後遺症幾嚴重吓!會同自己講要樂觀啲!」

引晒記者嚟呢度!唔好去搞我個女。 真實對白 記招上有一個一比一華仔蠟像,華仔話七年前開騷時練到有七嚿腹肌,「唔知點解我得七嚿腹肌,鴛鴦嘅,我call咗佢哋,招呼都唔打就cut我線,依家得番一嚿咋!」 ▲ ▲華仔分享當年演唱會上跳拉丁舞時爆褲的相片,笑言要緝兇追問邊個影嘅?華仔又笑指自此之後買褲會買大少少 ﹗

▲華仔指被追問有否為演唱會籌備大碟?他表示早前到布拉格已製好,然後拿出一隻瓷器碟,笑爆全場,佢話:「我係真係想喺個唱前出到隻大碟,有拖無欠!放心!」

Newspapers in Chinese (Traditional)

Newspapers from China

© PressReader. All rights reserved.