被爆4月蜜遊希臘丁子田堅稱單身

Oriental Sunday - - 太 八姨 手記 -

香港小姐2018各獎項塵埃落定,賽後當晚三甲即被安排上《後生仔傾吓偈》節目接受訪問,當時主持人問佢哋感情狀況,當時丁子田( Sara)咁講嘅:「仲係single,我其實好enjoy single。」仲話為咗發展事業而忍痛與拍拖五年的男友Mark分手。之不過喺社交網上發現,今年4月Sara仲同Mark一齊去新婚蜜月勝地希臘愛琴海的Mykonos小島度假,見Sara同男友啲相好Sweet,日日享受陽光與海灘,Sara晒泳裝,又反拍赤裸上身、正在影相的男友!唔講真係以為佢去咗honeymoon!港姐的首輪面試在6月20日,而Sara在6月17日仍身處美國,仲Po咗張Mark踩單車嘅相,當時仲同緊對方約會。對於被質疑扮單身,丁子田話唔介意,又話因為大家都有好多共同嘅大學朋友,所以現時跟對方仍是朋友,仍有聯絡,仲話:「Mark有恭喜我得獎,大家仲係朋友。」真真假假只有佢至知!

今屆出爐港姐結果由17號陳曉華摘后冠,20號鄧卓殷獲亞軍及最上鏡小姐獎,而賽前被視作大熱門的7號丁子田( Sara)得第三(右)。▲聲稱單身嘅丁子田被爆4月還跟男友Mark去希臘度假,甜蜜如度蜜月。

Newspapers in Chinese (Traditional)

Newspapers from China

© PressReader. All rights reserved.