戰勝抑鬱逆流而上55歲黃德斌娶患難妻

Oriental Sunday - - CONTENTS - ●撰文:娛樂組 ●採訪、攝影:攝影組 ●設計:Linda

遇到有情人,應該是人生最大福氣。5 55歲黃德斌,與同行十三年的圈外女友J Joyce Wong(黃美恩)有情人終成眷屬,上上周六(9月8日)在酒店註冊拉埋天窗,雖然然婚宴並冇大事鋪張,同女友只是著情侶裝裝便服行禮註冊,不過,娶到陪自己走過人人生高低起跌的賢內助,黃德斌幸福不言而而喻。原來11年黃德斌因拍電視劇《心戰》,演演出沉重的「心魔」角色,曾患抑鬱跌落情緒緒谷底,幸得女友扶持捱過難關,今日事業業可以逆流而上,黃太應該是他人生最大動動力,功不可沒!

愛的宣言冧老婆

近日「雙喜臨門」的黃德斌,除咗有份擔演的小品電影《逆流大叔》票房衝破1,300萬事業旗開得勝,同拍拖十三年的圈外女友黃美恩(Joyce)感情亦開花結果,上周六(9月8日)在金鐘一間酒店舉行Cocktail Party註冊拉埋天窗。展開人生新一頁,黃德斌冇選擇大排筵席,只在酒店舉行簡單而隆重的婚宴,與一班至親好友慶祝人生大事,黃德斌愛的宣言亦簡單直接:「佢好了解我!婚前婚後大家都係互相欣賞,遷就,信任和尊重。」

拍劇致抑鬱

簡單幾句已經夠晒窩心,的而且確,同年輕十六年的黃太Joyce Wong(黃美恩)患難見真情,兩人05年相識,當時黃德斌拍完電視劇《金枝慾孽》,事業剛開始有起色,之後連拍多部劇集《火舞黃沙》、《珠光寶氣》等都擔演重要角色,受觀眾關注,不過,11年他就因連拍兩部角色沉重的電視劇《天與地》及《心戰》,長期要徘徊情緒低位,令他一度抑鬱不能自拔,幸當時得女友Joyce陪伴支持才得以振作。據知情者透露:「嗰時佢啱啱拍完《天與地》,無耐又接到《心戰》嘅角色,為咗演陳豪嘅心魔『邪惡』,Kenny因為太過投入,搞到跌落情緒谷底,當時佢都唔知自己有病,只係突然之間心情好低落,完全唔想見人,將自己收埋喺間屋度,冇晒鬥志,不過本啤Joyce都對佢不離不棄,一路喺佢身邊鼓勵同支持佢,幫佢走出困局!所以Kenny成日都話,Joyce係最了解佢嘅人,如果冇咗佢,自己都未必可以捱到今時今日。」

右耳失聰

自細家境清貧的他,早年更試過耳朵入水發炎,因延誤求醫而導致右耳失聰。據知情者透露:「中學畢業之後,佢做過一排跟車工人,嗰時每朝返工前,佢都會去游水,一次唔小心入咗水落耳仔度,就算唔舒服都冇錢睇私家醫生,去政府醫院排期要等一年半,點知有朝早佢瞓醒發現枕頭都係血,原來耳仔發炎流膿,佢阿媽嚇到即刻同佢去睇急症,醫生要佢即時入院開刀,不過最後都因為醫得太遲,依家佢右耳只剩番三成嘅聽力!」

雖然人生多災多難,但黃德斌學會提醒自己要保持正能量,除了遺傳自母親的堅毅精神,亦多得女友的樂天性格影響。據知情者透露:「入行以嚟,佢遇過好多波折,捱咗咁多年,但佢從來冇諗過放棄,佢好有毅力,但豁達性格可以話係畀Joyce感染,Joyce份人好樂天,就連岳父岳母都好玩得,呢幾年Kenny都開咗竅,好多嘢都唔再執著!」

湊B出巡

婚後黃德斌已火速復工,為《逆流大叔》謝票,新婚的他被問到可有努力造人,型佬黃德斌幽默表示:「唔話你知,呢啲咁私人嘅問題,得喇!總之我會保重身體!」不過,早於三年前,黃德斌同女友的身邊就經常出現一個神秘B仔,兩人一得閒就孖住湊B,雖然黃德斌已經否認是B仔老竇,表示是幫朋友湊B,但湊住人哋個B都如同己出一樣細心,可見黃氏夫婦相當鍾意小朋友。日前,黃德斌又揸車「一家三口」去奧海城買玩具,只見黃德斌同老婆帶B仔去揀玩具車,更慈父上身陪B仔慢慢揀,揀完禮物,他又急不及待抱起B仔,邊行邊逗佢玩,父愛氾濫的黃德斌,生仔有心有力,相信好快會有好消息公布!

註冊完畢,黃德斌招呼親友吃自助餐。 ▼跟女友同樣性格低調,黃德斌婚禮只以Cocktail Party形式招呼至親好友一齊慶祝,圈中好友戚其義、簡慕華、何啟南、徐榮及趙希洛等都有到場祝賀好友。

Newspapers in Chinese (Traditional)

Newspapers from China

© PressReader. All rights reserved.