皇后慳家

秦嵐

Oriental Sunday - - 太 八姨 手記 -

內地女星秦嵐憑古裝劇《延禧攻略》「富察皇后」一角爆紅,近日佢應多個品牌邀請去米蘭出席時裝周,雖然秦嵐忙於睇騷,又搭咗成16個鐘頭飛機去米蘭,但都冇受時差影響要休息,難得到米蘭爭取時間去名店朝聖掃吓貨啦。秦嵐著住白色連身長裙嘅秦嵐薄施脂粉,但優雅氣質出晒嚟!難怪低調到當地掃貨時都畀網友野生捕獲!劇中做皇后想要乜都得,但現實生活中嘅秦嵐去名店都係專攻減價貨,喺店內秦嵐一見減價貨就拎上手睇,衫、鞋、帽、銀包、卡片套、手機殼等特價貨都睇勻,估唔到「皇后」咁慳家!秦嵐睇得忘形,被人影緊都唔知!果然女人都係愛shopping。

秦嵐連日出席時裝展,都被名模及名人藝人爭住集郵,而秦嵐勁nice,就算喺街被fans影相,都任影唔嬲,仲同大家揮手,更停低同大家簽名影相,毫無架子,nice到爆!

▲秦嵐入名店主攻減價貨,率先走去睇鞋,店中的雪鞋、高踭鞋到拖鞋,咩類型嘅鞋都攞嚟睇攞嚟試!更加唔介意人迫人去搶靚貨!之後又喺一大堆月下貨中摷銀包、卡片套同鎖匙釦,女人果然天生都是購物狂!

▲秦嵐好親民,遇見fans索簽名及合照都有求必應!每次「出巡」都主動跟大家揮手say hi!

▲在《延禧》中「皇后」秦嵐的七阿哥被演「純妃」的王媛可燒死,但私底下二人感情要好,二人同被邀出席某品牌時裝展,一見面就講唔停!

▲秦嵐跟《如懿傳》的富察皇后董潔在時裝展相遇,兩位富察皇后同場立即成為焦點!

▲秦嵐馬不停蹄,在米蘭出席時裝展後就來港出席劇集宣傳,雖然行程緊密,仍然明艷照人!

Newspapers in Chinese (Traditional)

Newspapers from China

© PressReader. All rights reserved.