千嬅柏豪劇透

Oriental Sunday - - Contents -

辛辛苦苦捱足五個月,仲要電視、電影兩邊走,同時仲趕緊新戲《影兩邊走 同時仲趕緊新戲《麥路人》,好囉好囉,無綫劇《多功能老婆》終於煞科,難怪楊千嬅一拍完都即刻要抖吓氣,連個仔都掉低埋,飛咗去東京畀自己放番個假。

又話相隔十七年返電視台拍劇、又係「方麗娟」千嬅同「劍雄」黃浩然十六年後合體之作、仲有新晉小生周柏豪擔大旗做男主角,睇卡士,呢套《多功能老婆》又的確係吸引喎,睇戲碼,仲唔係兩男爭一女?梗係要追最後千嬅情歸何處。

不過日前劇組拉隊去中環拍煞科戲,戲中老公黃浩然唔見影,剩番千嬅一個喺畢打街紅綠燈前心事重重咁款,同場仲有斑馬線另一端官仔骨骨、靚仔四正的柏豪,人頭湧湧都要遇上,仲要加多場情深款款、有點兒老土嘅輕吻額頭戲,喂,個結局好似畫公仔畫到出晒腸,終極劇透,唔驚到時影響收視咩?

▲中環已經好多人、劇組再準備大隊臨記增添氣氛,控制場面需要時間,所以柏豪等埋位等到發晒吽哣。 ▼馬路另一邊,千嬅一樣等到個樣唔多耐煩。話時話,香港地好多工人姐姐都係煲港劇大,見到千嬅拍戲忍唔住望多兩眼。

▼都係嗰啲人海茫茫、有緣始終能遇上的結局戲碼,工作人員叫千嬅同柏豪一人一邊站斑馬線兩頭,一切就緒,千嬅就打手勢話OK。

▲套劇已安排為明年的重頭劇之一,即係睇高一線,依家終極劇透,唔驚冇神秘感咩?

Newspapers in Chinese (Traditional)

Newspapers from China

© PressReader. All rights reserved.