忙完工作忙生B

Oriental Sunday - - News -

對於為陸家生B,苟芸慧自知孭重飛,婚宴當日她接受傳媒訪問時豪言三年內成事:「想生四個,順其自然啦!」陸漢洋則笑言:「生B唔會全速,我哋係玩耐力賽,各自都有心願,希望工作上完成先,工作排到農曆新年後,婚後我亦要盡快投入賽車賽季,可能兩至三年後先生B。將來有小朋友,我哋希望多花時間陪伴成長,唔想隨便交畀工人照顧,小朋友成長每個時刻都好重要,所以唔想喺大家工作最忙嘅時候做呢件事。」

陸漢洋是「錫礦大王」陸佑後人,父親為香港公和建築創辦人陸孝佩,除了是富三代,陸漢洋更是職業賽車手,10年展開其賽車手生涯,12年被選為上海林寶堅尼的官方車手,亦是唯一一名中國區的華人官方車手。他是首名華人車手獲邀參加2016年「法國利曼24小時耐力賽—短途世界盃」,翌年在這項國際大賽世界50隊列強中躋身前10名,亦成為首名奪得「洲際勒芒衝刺盃」年度總冠軍的華人。經常為賽車周圍飛的陸漢洋,去到邊都帶住老婆苟芸慧,生B計劃應該唔使等三年咁耐囉!

喜歡小朋友友的苟芸慧,平時對住姪仔愛不釋手,對於造人大計,她好豪咁話:「四個!順其自然啦!」

▼苟芸慧話晒都係無綫曾經力捧的花旦,陸漢洋在圈中好友亦不少,當晚畀面到賀的來賓包括胡杏兒夫婦、蔡一智夫婦、蔡一傑、馬德鐘及趙希洛等等,就連高層樂易玲都有現身,卡士肯定勁過陳展鵬大婚。

▼陸漢洋與苟芸慧上月18日已在加拿大一座古堡內進行結婚儀式,並註冊成為合法夫婦。加拿大婚禮由陸漢洋秘密安排,邀請苟姑娘在多倫多的家人及舊同學出席,一心以為去影婚紗照的新娘子驚喜又感動,宣誓時更流下開心眼淚。

Newspapers in Chinese (Traditional)

Newspapers from China

© PressReader. All rights reserved.