花十年琢磨劇本

Oriental Sunday - - 太 八姨 手記 -

慶功宴當晚,大會亦準備了蛋糕跟剛度過53歲生日嘅城城慶生,城城話生日願望最緊要身體健康,同埋拍更多好戲畀大家睇。城城承認自從生咗囡囡後更黐家:「結婚有咗小朋友,好多家庭聚會,依家朋友聚會少咗好多,有時間就陪個女玩,去到人生另一階段,工作比以前更有動力,更專注冇雜念。」花十年琢磨劇本嘅導演莊文強話估唔到有咁好成績:「個古仔其實係發霉腐乳,票房我唔識估,內地票房好奇怪,冇一日過億,但係日日都勁,有新戲上時,套戲都排第二。」莊文強仲話有意原班人馬再度合作:「不過下次會係一個新故事。」發哥笑指自己嘅智商只得十幾歲:「下次可以演二十多歲嘅角色。」認真鬼馬!

英皇集團主席楊受成與博納影業集團代表陳永雄聯同電影兩大「主腦」周潤發、郭富城同賀新片繼續大賣!

▲《無雙》一眾台前幕後功臣齊集慶功,包括:英皇集團主席楊受成、博納影業集團代表陳永雄、導演莊文強、監製黃斌、周潤發、郭富城、張靜初、馮文娟、廖啟智、周家怡、孫佳君、張松枝、張建聲、梁健平等。

▲大會於慶功宴上特別準備一張面額15億元嘅巨型大鈔,由發哥及城城為15億元票房親筆簽名加持。

▲當然唔少得自拍王發哥,負責揸機玩自拍啦!

Newspapers in Chinese (Traditional)

Newspapers from China

© PressReader. All rights reserved.