الأهلى واحد بس

Ain El Machahir - - EXCLUSIVE -

بعد التعاقد مع قلبى هجوم بحجم إيفونا وجون أنطوى خيم الغموض على وضعه فى قائمة الأهلى للموسم الجديد، عن أخبار رحيله وغضبه من الجهاز السابق وعلاقته بجمهور الأحمر يتحدث الغزال عمرو جمال.

تردد أنك غاضب وتريد الرحيل من الأهلى؟ - مش عارف بيجيبوا الكلام ده منين، أنا بسمعه زيكم بالظبط، بس زى ما قال جمهورنا فى أغانيه عمرى ما أحب غير الأهلى.

نفهم من كلامك أنك لا تنوى اللعب للزمالك؟ - مع احترامى الكامل للزمالك وجمهوره بس أنا أهلاوى أبا عن جد، ومستحيل ألعب فى مصر غير بقميص الأهلى.

البعض فسر علاقتك بلاعبى الزمالك وصورك السيلفى مع لاعبى الأبيض بأنها خطوة للانتقال إلى ميت عقبة؟

- بجد اللى بيفكر بالشكل ده ناس مريضة وعايزة تفتعل مشاكل بين لاعيبة المنتخب، إحنا أصحاب دايما سواء أهلاوى أو زملكاوى، كل واحد بيحب ناديه ويقتل نفسه عشانه، لكن فى المنتخب نتصور مع بعض ونضحك عادى يعنى.

قيل إنك غضبت من إدارة الأهلى والجهاز الفنى بعد التعاقد مع إيفونا وأنطوى؟

- أنا برضه شوفت الكلام ده فى بعض المواقع، وبستغرب جدا من اللى بينشر حاجة زى دى ضد المنطق أصلا، الأهلى طول عمره مش بيقف عند لاعب، وعمرنا ما سمعنا أن لاعبا يتحكم فى قرارات إدارة أو جهاز فنى مهما كان اسمه وتاريخه، باختصار طبعا عمرى ما أعمل كده.

كيف استقبلت إذن خبر التعاقد مع هذا الثنائى؟ - مجرد غيرة وحب أنى أكون موجودا بشكل أساسى، لكن الناس ناسية شىء مهم جدا، وهو أن كل ما يزيد التنافس على حجز مكانك فى تشكيل الفريق بتظهر بشكل أحسن.

Newspapers in Arabic

Newspapers from Egypt

© PressReader. All rights reserved.