Ganz alleen op Padd in de Wesermarsch
Weensamen enn ik mörgens de
Lü an de Bushaltestee langs de düstere Bundesstraat seh un in mien moi, warm Auto vörbi brusen do, kaam ik in’t Sinneeren wo wi egens von A nah B komen. Op Land hebbt de meesten Familien tominnst twee Autos. Wenn een ut Huus dat brukt um to Arbeit to pendeln, denn is de Rest van de Familie anners ok opsmeten. School, Supermarkt, Turnvereen…allens Kilometer wiet weg! Dor föhrt nich överall en Bus so as an de Straat na Ollnborg.
Okologisch is dat nich, wenn all Lü jümmers alleen in en Blechkugel sitten un dör de Landschap gondeln. Okonomisch ok nich, denn so een Auto of sogaar twee is ok düür. Un ik kann verstahn, dat dat utnahmen för de Schoolbussen ok nicht geiht överall een Bus langs to schicken. Man praktisch weer dat al! Denn kann ik mörgens un nahmidMobilität
dags op Padd in Roh mien Zeitung lesen of mien Koffiee drinken un ut Finster kieken. Annerletzt bün ik sogaar mit mien lütt Auto legen blieven. De Batterie weer in`n Dutt. Un dor steiht een dann, un ahn Kollegen of Frünnen is dat leeg dor överhaupt weg to ka- men. Föhrt ja kien Bus to dat neegste Telefon! Un Mobilfunk is ja faken hier ok mehr Loch as Net. Dat is denn woller kloor kamen, aver ik hebb mi woll fraagt wat ik anners harr maken kunnt.
Dat gifft aver ok Ideen, de in’n Alldag ok op Land beter to organiseeren. Dat gifft Bürgerbusse un Mitfahrbänke. So een Bank steiht to’n Bispill in Schwei un Roonkarken. Wenn een dor vörbi föhrt un anners een op de Bank sitten deiht, denn kann he or se den mitnehm. Goden Idee! Man dorför brukst du Tiet, denn well weet denn, wennehr nu utrekent een van Schwei na Roonkarken un denn noch woller trüch will! Also för Beroopspendler is dat nix. Dat is nich eenfak op Land mit Offentlichen Nahverkehr. Aver wenn een de Verbindungen, de dat gifft faken mal nehmen deit, denn warrt dat Nett villicht ok utboot? Ik tominnst stah nu ok faken mol an de Bundestraat wenn ik na Ollborg will, un wink de BusfahrerIn mit de Lamp in mien Plietschphone, de hebbt mi mol seggt, dat se een an de düstere Bundestraat anners so schlecht sehn.