Dat du da dat Ta­too has...

Rheinische Post – Stadtteilausgabe Duesseldorf-Mitte/West - - DÜSSELDORF -

Dat häd­den ech nie je­dacht! Dat es vör e paar Jöhr­kes en Köl­le ene Fa­s­te­lo­wends­hitt je­wä­se. Em Johr drop hät en Köl­sche Bänd je­son­ge „Wä hät mech dat Rös­ke op dä Hen­gers­de ta­to­weert?“Ty­pesch Köl­le, so in­ti­me Fro­re wöhd mr doch hee aan de Düs­sel nie­mols stel­le! Nu weeß­de, dat jetz hee dat The­ma Ta­too an­je­saht es.

Ech froch mech äwer nit, wo dat Den­gen es od­der wä dat je­maht hät. Ech möhd bloß wes­se, wo­röm öm Hem­mels Wel­le sech ee­ner so­jet op de Huut drop frie­me­le lösst.

Süht mr sech em TV de in­ter­naz­zi­johna­le Fooß­ball­spee­ler aan, kütt mr us­sem Stau­ne nit erus, wat för en Je­mäl­de­jal­le­rie de Jon­ges op Ärm on Be­en hannt. Wat sech noch on­ger däm Trickot ver­steckt hät, kanns­de bloß ah­ne. Äwer em Frei­bad od­der am Strand jöwt et och op Schol­de­re, Rög­ge on vö­re op de mus­ke­löse Hel­de­brost rös­i­je Ta­toos zo be­won­de­re. Flo­ra on Fau­na tum­me­le sech op nä­cke­li­je Huut. Mer Frol­lütt send dobei noch janz de­zent. E Rös­ke od­der Jän­se­blöm­ke op de Schol­der je­nöcht däm Fin­che-Fio­na. Äwer dä Dö­res-Dus­tin strunzt met enem jan­ze Aqua-Zoo op sin­nem Ado­nis­kör­per. En Was­ser­schlang op de Be­en, ene Ham­mer­hai op’m Rög­ge on en Ka­wenz­manns­kra­ke vö­re op’m Wäsch­brett­buck.

Ech froch mech jetz bloß, wie süht din­ne Bod­dy em Al­der us, wenn de Mus­ke­le fott send on mr en Plis­seeHuut kritt wie ene Schrum­pels­ap­pel. De staatse Schlang von an­no es sech wie e Rä­je­wörm­che am ren­ge­le, us däm stol­ze Ham­mer­hai es e ärm­sel­ech St­a­chel­ditz­ke on us de Kra­ke es Ba­by-Ca­la­ma­ri je­woh­de. Mäkt nix, dann lösst sech Op­pa Dö­resDus­tin drus­se so­wie­so nim­mieh em spa­cke Ba­de-Out­fitt ki­cke, löpt em Huus met de je­möt­le­che Schlab­ber­bux er­öm on höppt mem Püd­scha­ma en­net Hei­a­bett.

MO­NI­KA VOSS

Newspapers in German

Newspapers from Germany

© PressReader. All rights reserved.