戥女友高興

Metro Daily Hong Kong - - WEEKEND -

陳炳銓( Danny ),一個集演員、主持、導演、監製於一身的全方位藝人。對普遍師奶來說,或許是一個陌生的名字,若然掛上「李佳芯男友」的外號,相信大家都馬上恍然大悟。對呀,就是那位人稱「美女與野獸」的外貌平庸ViuTV男主持!經常有人問:「到底李佳芯鍾意佢啲乜?」甚至有網民叫他「放開女神」!查實畢業於加拿大

Grant MacEwan College舞台

製作的Danny,跨足電視、電影、舞台劇超過10年,更是舞台劇藝術總監,明明才華洋溢卻被踩到「高攀唔起」女神一樣,只怪一般電視迷睇慣主流媒體,加上外間經常將他塑造到好似「冇嘢撈」,更甚被人稱為軟飯王!

然而,最近Danny負責策劃兼主演的ViuTV劇集《賤民20》,卻被傳為追上女友事業的「發圍之作」,加盟nowTV逾7年的他無奈地說:「其實一直做開嘢,我有寫劇本、做舞台,一向都做緊差唔多嘅工作量,可能依家ViuTV係免 費頻道,終於多啲人留意到,唔會話特別為邊個,每個人生活、工作都係為自己為主。」

對於李佳芯事業如日中天,兩人關係被形容為「女尊男卑」,他坦言已習慣不理那些批評,只會依照自己的步伐繼續行,「呢個Moment你女朋友發揮得好好,我梗係戥佢開心啦。雜誌一定係入嗰啲位,所以已經慣咗、過濾咗佢。」

假如要數最難過的事情, Danny倒認為是初入公司夥拍

盧覓雪、單立文及農夫等主持遊戲節目《撳錢》的時候,「嗰堆人你點同佢哋玩!做已經覺得有難度,因為主持同演員係兩科嘢,所以有網民話『唔好畀佢做啦,嘥時間!』、『最憎呢啲人』,嗰時反而Handle

唔到,幾年後嘞,都知道其實佢哋咩都會鬧,所以開始唔理。」

觀眾有得揀

明白到做任何事總有人喜歡、有人討厭,為了令自己好過一點,他則選擇不再深究那些負評,「Buy你嘅咪聽下囉,至於啲評語可以幫 你進步嘅,點解唔聽呢?自己要識過濾,如果唔係做呢行會癲㗎!」難得公司開始搞

自家劇,Danny亦爭取機會參與製作及演出。談到首次擔任電視劇幕後,壓力一定有,幸過去累積不少舞台劇的創作經驗,令Danny未至於揦手唔成勢,「我覺得電影同舞台嘅演出係一本小說,你買咗張飛就預咗嗰段時間去睇,但電視唔同,太多嘢分散注意力,所以個古仔想講深層啲嘅意義時就要深入淺出。」他又事先聲明《賤》是一齣怪誕劇,已預料觀眾未必睇得明,但正所謂「有辣有唔辣」,最緊要市民有多一個選擇。

劇中起用不少電視界的新面孔,包括吳海昕、張敬仁等,提到曾捲入欠債風波的「樂壇小強」阮民安( Tommy )飾演收數佬,似乎是刻意安排?有

份揀蟀的Danny即抵死笑謂:「唔係,呢個角色嘅特性係每次去收數都慘敗,每次都以為佢死㗎喇,但佢消失咗又返番嚟,好似曱甴咁生命力好強,佢喺樂壇上都係幾有生命力嘅藝人,咁就搵佢做囉!」 早前李佳芯終於認與Danny正常交往中,受訪時,陳炳銓亦直認雙方舒服發展,關係非常健康、冇變過。 陳炳銓於《賤》劇與安桃子上演梳化纏綿戲,他認為演員配合角色需要好正常 。

Newspapers in Chinese (Traditional)

Newspapers from Hong Kong

© PressReader. All rights reserved.