「愛屋及烏」

吳光正

Next Magazine - - 中 環 人 語 -

吳光正女兒吳宗恩結婚五年的英籍律師馬健能(John Paul McLellan),本來住山頂白加道五十一號一個細單位,去年搬到山頂紅莓閣大屋居住,呢個山頂富貴屋苑是九倉及怡和旗下物業,睇嚟外父吳光正都好「睇」呢個女婿,且將包Sir愛婿風範傳承下一代。

觀乎吳光正七三年與船王包玉剛次女包陪容結婚,七五年才正式成為包Sir旗下環球航運董事,貴為船王女婿,都要有個見得人蝸牛殼,當時已婚的吳光正報住寶珊道碧苑單位,物業屬「襟兄」蘇海文名下,並由外父環球航運承造按揭,可見在包Sir支持下,姊妹以及襟兄弟都手足情深,互相支持,後來包陪容以一百一十萬元購入半山嘉慧園後,兩夫婦正式在那兒築愛巢;睇住屋的安排,當年外父包Sir當正吳光正係「半邊仔」,到今日吳光正同樣安排女婿——馬健能進駐九倉旗下山頂大宅,呢啲實際地「愛屋及烏」。

吳光正夫婦育有一子一女,女兒吳宗恩(右一)現為連卡佛行政總裁。

馬健能與吳宗恩在英國舉行婚禮。

馬健能○四年以一千三百多萬購入白加道51號一個單位。

Newspapers in Chinese (Traditional)

Newspapers from Hong Kong

© PressReader. All rights reserved.