多謝讀者支持!

Next Magazine - - News -

壹仔能夠走過二十七個年頭,全賴讀者的支持。到今日,當大家已習慣上網閱報,仍然有不少讀者訂閱實體版,當中更有不少由創刊支持到現在,除了來自香港,原來讀者亦遍布世界各地,除了美加、英國,也有來自挪威、葡萄牙和厄瓜多爾。今日,趁着這個機會,親自致電多個讀者,多謝你哋支持。

張女士:裝滿六、七袋紅白藍壹仔

仔於六四後創立,當時知道黎智英會創辦壹仔,就決定要支持。我今年六十七歲,由創刊買到今時今日,我會儲起每期書,二十多年來已儲了六、七袋大紅白藍膠袋。最欣賞壹仔政治旗幟鮮明,敢揭露內幕黑幕,無論是商界、政府還是娛樂圈。為了這些寶物,我特登每月用一千五百元租了一個幾十呎的倉,主要擺放《壹週刊》及少量其他雜物。可惜一年前因業主逼遷,朋友無法收留,我迫於無奈將珍藏多年嘅「寶」扔掉,只留下了數本,好肉痛呀,如果當時知道壹仔會賣盤的話,「死都唔會掉。」

係你哋先夠膽做Jessica Wong :

第一期就開始睇,已經由中學生變咗個阿嬋。記得當年送柏林圍牆石紀念品,我好想要呀!後來有段時間離開了香港,回港後再次拾起壹仔,最愛看人物專訪、踢爆高官醜聞。有一期書我一直保留至今,那是二○○三年的第714期,原因是林振強先生最後一期;我由細到大都係林振強粉絲;我還記得600期的封面「老老嫩嫩打野戰」,搞笑生動。說真的,有很多故事,只有壹仔夠膽做。

R 先生:鍾意壹仔暢所欲言

○一年就開始訂閱你哋網上版,喂,當年好有reputation,份份報紙都係跟住你哋走。我做金融嘅,好鍾意睇你哋踢爆金融圈嘅秘聞,當中好多嘢,我哋都聽過,不過你哋暢所欲言,唔會就住就住,嗰下過隱。我網上訂到出年三月,賣咗盤都要睇多半年,如果太過保守、又鱔嘅話,就唔會繼續再睇㗎喇。

柏林圍牆石頭紀念品。 讀者Jessica支持足27 年。

Newspapers in Chinese (Traditional)

Newspapers from Hong Kong

© PressReader. All rights reserved.