慈父上身

Next Magazine - - 八 卦 陣 -

水埗區議會上星期批咗撥款,俾「深水埗文藝協會有限公司」搞番個「慶祝國慶68周年中秋迎月文藝晚會」,搞到《壹》仔 晒頭,到底佢想慶祝國慶定中秋?會上有區議員都不滿呢個晚會一雞兩味,民主黨袁海文就引用朱元璋嘅月餅起義,話擔心會違反《基本法》第一條,即係「香港特別行政區是中華人民共和國不可分離的部分。」因乜解究講到咁嚴重?佢喺會議上話:「當年朱元璋為咗推翻元朝,喺月餅攝咗好多紙條落去,我唔知佢點激勵,亦唔知點量化啦,如果你真係慶祝中秋就慶祝中秋,慶祝國慶就慶祝國慶,擺埋一齊我有啲擔心會違反《基本法》第一條。」袁海文講完,就冇乜人回應佢,撥款亦都通過咗。文藝晚會當日,有冇人派攝咗紙條嘅月餅就冇人知,但係泛民就真係有學朱元璋,上星期派嘅冰皮月餅入面,就攝咗寫住「袁國強下台!」、「反威權十一遊行!」等嘅紙仔。唔知呢批月餅,會唔會好似六百幾年前嗰批咁勁,可以撼動政權? 年新政梁頌恆、游蕙禎因宣誓案失去嘅新東同九西議席,將會補選。建制派喺新東相信由工聯會前立法會議員鄧家彪上陣,九西就派民建聯鄭泳舜披甲。佢兩個最近不斷宣傳谷人氣,仲齊齊喺facebook慈父上身,唔通覺得有助選情?有三個仔嘅深水埗區議員鄭泳舜,喺fb搞咗個節目《老老豆豆》,之前同民建聯立法會議員陳恒鑌、張國鈞,分享老豆經同子女教育問題。佢話自己係三個仔嘅「玩伴」,透過玩樂建立親子關係;三個老豆仲喺節目推介週末親子遊好去處。鄧家彪更加父愛爆棚,上載短片「父女的愛與堅持」,話說個女澄澄要表演粵劇,佢當然去捧個女場,但又要出席工聯會活動,完咗活動趕返去睇個女,成個廿四孝爸爸咁款。根據鄧家彪fb預告,鄭泳舜已經同佢以及周浩鼎拍咗集《老老豆豆》。面對選戰,兩個都建立好爸爸形象,幫唔幫到選情就未知。但好似鄭泳舜獲得嘅like,都係得百零幾個咁上下,網民唔算好buy囉。

袁海文(前左三)見深水埗區議會批咗撥款,俾個一雞兩味嘅國慶中秋晚會,忍唔住引用月餅起義表達不滿。

Newspapers in Chinese (Traditional)

Newspapers from Hong Kong

© PressReader. All rights reserved.