歐瑞偉

Next Magazine - - Sudden Weekly -

55歲的歐瑞偉近年憑《愛‧回家》、《城寨英雄》和《同盟》人氣急升,他笑言沒有最愛,三個角色都一樣喜歡,「我都幾貪心,事實上反應真係唔錯,《同盟》易先生為咗保護令小姐犧牲嗰幕,我聽好多人話幾感動,同我講:『你知唔知呀,我太太睇你嗰幕喊呀。』連監製文偉鴻都俾阿媽鬧,我哋叫佢快啲番阿媽,佢話幾日先同阿媽傾番偈呀,哈哈。」至於《愛‧回家》KC這個角色受觀眾喜愛,歐瑞偉直言是大家的預料之外,「當初只係客串幾集,後來反應幾好先加集數。其實開頭性格都唔係咁嘅,處境劇有個好處就係可以睇即時反應,編劇都會上網睇下觀眾鍾意啲咩、每日個反應點樣,條線好容易跟住觀眾行。」拍處境劇像一份朝九晚五的工作一樣,定時定候上班下班,但別以為歐瑞偉會就此交「行貨」。他指多年來每逢KC和Terry同場,必定會跟飾演Terry的李偉健提早回公司傾角色,「其實我同李偉健每一日都比其他演員早一個鐘頭返,一齊食早餐,傾大家點樣玩呢個角色。我哋咁多年嚟都係咁,你睇落個角色好似好輕鬆,但唔係hea做,KC呢個角色真係落過苦功,雖然劇本係俾咗我哋,但我哋點將個角色玩到令觀眾更加鍾意我哋,就係我哋嘅責任。」 訪問途中,剛好遇見羅蘭姐,她主動跟歐瑞偉打招呼,「恭喜你呀,過足戲癮呀!我好耐冇試過追一套劇,《同盟》我追晒,對上一次追嗰套已經係蔡少芬、King Sir(鍾景輝)同林保怡嘅《火舞黃沙》。」對於羅蘭姐都有追看,他表示十分開心,更指有次在街上遇上李司棋,對方亦大讚他演技,「有次我喺街撞到司棋姐,佢話:『你知唔知呀,我好鍾意睇你做易先生,我覺得你做得好舒服呀,我真係讚你㗎,真心㗎!』哈哈,我即刻多謝佢。」

見到他,很自然衝口而出叫他易先生。無論是《城寨英雄》的楊老闆、《同盟》的易先生,還是《愛‧回家》的KC,其實都是同一人,他是歐瑞偉( Jimmy)。近年人氣急升的他,其實於80年代中至90年代初已擔正男主角,其後卻變回男配角,可能有很多人會一沉不起,但歐瑞偉無懼世事變改,就算是一個小角色都做足功課,「其實公司好多我呢種人,我只係其中一個。」他的做人宗旨是凡事盡力而為,結果如何就需天時地利人和配合,觀眾讚美才是他最大鼓勵。

轉下頁>>

後角,其正男主

初已擔 何煩90年代 面對任代中至 。他指

在80年 冇介意 好歐瑞偉 瑞偉從 囉,唔,但歐 到咪算

男配角 ,「諗唔

卻變回 間去想

一晚時 問題。」

是會用 間長短

惱都只 只係時

決到,

終都解

諗,始

Newspapers in Chinese (Traditional)

Newspapers from Hong Kong

© PressReader. All rights reserved.