57歲韓毓霞第二春愛老外

Next Magazine - - 同你吟一吟 -

見到韓毓霞,一定諗起《體育世界》。

佢有個朵叫《體壇譚玉瑛》,即係主持一個節目幾十年,跨世代呀!佢連續七屆採訪奧運,有本事捉到奧運金牌選手做訪問,所以體育組有句:「有Wendy姐(韓毓霞)喺度,點會做唔到!」

跑過奧運料,有國際視野嘅Wendy姐,伴侶都揀件老外。今年57歲嘅佢,感情生活一向低調,八珍知道佢同商人老公結婚七年後離婚,依家身邊呢位老外男友係第二春,不過都一齊近十八年咁耐。雖然兩個加埋過百歲,但行街依然「甜椰椰」,一時男方攬佢條腰,一係就韓毓霞繑實男友,韓毓霞嘅二人世界,好睇過佢主持嘅《體育世界》。

繑住老外男友,年屆57歲嘅韓毓霞笑得好甜,甜過訪問啲金牌選手。

能夠同老外拍拖,英文當然有番咁上下。當年佢落選後重返校園,84年喺中文大學嘅英文系畢業㗎。

Newspapers in Chinese (Traditional)

Newspapers from Hong Kong

© PressReader. All rights reserved.