八卦陣

南天竺僭建翁靜晶大鬧政府部門卸責

Next Magazine - - CONTENTS -

說被踢爆破戒蜜遊夏威夷高僧釋健釗同埋釋心慧,兩人「揸fit」嘅荃灣南天竺寺,早前被發現疑似僭建嘅豪華玻璃屋。《壹》仔同相關政府機構查詢,但就俾地政總署同屋宇署大耍太極。自上月底,《壹》仔已經向地政總署查詢南天竺寺有冇涉及違例僭建,當時地政總署回覆話問題屬於屋宇署管核範疇。上星期四屋宇署終於回覆,但竟然話:「上述地段屬新界農地不屬屋宇署的監管範圍。本署已將此個案轉介地政處跟進。」其實地政總署早於一三年向南天竺寺就有關僭建同骨灰龕位事宜發出警告信,但仲要將個波推來推去。唔通真係好似申訴專員公署個廣告咁,政府部門鍾意耍太極,但人工就袋袋平安。一直監察佛門醜聞嘅翁靜晶就話,政府部門互相推卸責任好常見。「佢哋個案多,總之耍得就耍,有時候一兩個月都得唔到回覆!」翁靜晶又大鬧:「如果一間寺院起茅寮,俾出家人修行,我諗信徒都唔會出聲。但係我哋依家見到嘅係豪宅,裡面有按摩浴缸、健身室、全落地玻璃。男女出家人喺裡面相對而食,相對而住!」

翁靜晶聽到政府部門互相卸責,都表示見怪不怪。

Newspapers in Chinese (Traditional)

Newspapers from Hong Kong

© PressReader. All rights reserved.