羅霖連紙袋都要晒名牌

Next Magazine - - 同你吟一吟 -

下間所有女人都有同一個嗜好,就係shopping喇!不過個個女人進入shopping mode之後,都有唔同style!五十有二嘅美魔女羅霖,就屬於諗過度過型!呢日《壹》仔見佢喺利園Gucci出現,一向走開貴婦路線嘅羅霖,著親上身嘅都係超級名牌,呢日佢全身Chanel出動,絕對稱得上係名牌奴隸!

見佢對一件迷人pink lady嘅中褸好有興趣,仲心急到唔入更衣室,就地剝衫試,試衫嗰陣仲唔覺意露吓白滑肉背,認真思考一輪,決定扑槌!走嗰陣,羅霖見到《壹》仔喺門囗,原本拎住個普通黑色紙袋嘅佢,即刻好緊張咁話:「唔得唔得!攞番Gucci紙袋先!」連紙袋都要show名牌,羅霖你都得喇!

另一邊廂,天后Joey呢日叫埋助手陪佢去金鐘Joyce置裝,天后掃貨,sales姐姐貼身跟住,Joey幾乎逐件揭逐件睇,不過就完全唔使試,最多都係拼吓上身,睇完衫再去睇飾物,見佢手指指,好快就揀啱心水,臨走嗰陣,再睇中咗個背囊,係咁意孭吓上身,完全唔使睇價錢就扑槌,速戰速決,呢啲咪係霸氣囉!

而內地影后劉曉慶早排嚟咗香港自由行,無見一排個樣又回春咗,佢約埋一班朋友同Joey一樣都係行PP,同行仲有個健碩小鮮肉,見佢連環行咗幾間鋪頭都冇收穫,似乎對fashion呢樣嘢唔係好有興趣。不過最後去到一間運動專門店,佢就開始雀躍仔細研究,最後揀咗件軍綠色外套,俾完錢仲即場剪牌,著住走人!

Newspapers in Chinese (Traditional)

Newspapers from Hong Kong

© PressReader. All rights reserved.