遇前學民仔挑機

張秀賢初選論壇

Next Magazine - - 八卦陣 -

主派初選進行得如火如荼,候選人都陸續上選舉論壇切磋吓。上星期新東三名候選人就上網台D100嘅選舉論壇,其間有位聽眾陳先生打上去,挑張秀賢機,質疑對方聲稱得到本民前同青年新政支持但冇證據,有誤導選民之嫌,以及連香港眾志同舊戰友黃之鋒都唔撐佢出選,問佢點團結民主派。

張秀賢回應話,眾志同工黨合作多時,有自己決定好正常,又拉埋咖喱范落水,話呢件事好似民主黨唔撐佢咁,唔係最重要,最緊要係爭取選民支持。陳先生事後都向《壹》仔大鬧張秀賢,話成日借民主動力召集人趙家賢把口講嘢,質疑佢避談本民前同青政支持佢嘅講法,只係怕被DQ,又話從政者應該有被標籤嘅勇氣。

市民質詢候選人正常不過,但係呢位陳先生都大有來頭,係前學民成員陳展浚,五年前因懷疑私吞市民捐款被勒令退出學民,不過之後佢曾經以學民身份籌錢,而當年學民譴責佢嘅聲明,其實係張秀賢所寫,兩人因而結怨。

Newspapers in Chinese (Traditional)

Newspapers from Hong Kong

© PressReader. All rights reserved.