仔女皆有食物敏感

Oriental Sunday Kiss - - Sunday Family -

珠珠兩個小朋友都有皮膚及食物敏感,大仔Hayden最初比較嚴重,對豬肉和麥麩及麥殼蛋白Gluten Gliadin敏感,到細女就對奶敏感,珠珠一直要為食物敏感作戰。珠珠懷第一胎好緊張,戒口好清,亦因口味問題沒有吃豬肉。囝囝出世後約七個月大,身體常出現紅腫一撻撻,像全身被蚊咬,經測試後原來他對豬肉敏感,或者與珠珠不吃豬肉有關。在醫生建議下,Hayden戒食一年豬肉,至約兩歲隨着消化系統及免疫力提升,敏感問題自然消失,現在皮膚白白滑滑,像個靚仔小生。

有了第一次經驗,珠珠陀第二胎心情好放鬆,懷孕口味改變令她愛好酸辣,海鮮照食,只戒生冷,結果細女的皮膚比大仔差。「佢三四個月大,就發現佢皮膚好乾,成日都甩皮,有少少奶癬,好似濕疹嘅症狀,睇咗醫生都話佢有少少濕疹。」醫生解釋,BB濕疹好普遍,主要是媽咪吸收得太好,進食種類繁多,有時身體分解不到,引致BB起濕疹。

近月囡囡開始食固體食物,珠珠有次見到囡囡身體一撻撻感到好心痛,「女仔我都想佢靚啲呀。」因大仔有前科,珠珠懷疑細女又是食物敏感所致,「醫生講過哥哥有食物敏感,妹妹都有機會,所以佢建議我等妹妹大少少,俾佢試多啲其他食物先做食物敏感測試。」珠珠因為囡囡皮膚較差,近兩三星期才開始餵食肉,之前都以蔬果為主,醫生了解後指囡囡對奶敏感,需轉飲低敏奶粉,情況始有改善。

珠▲珠貴為前新聞之花,生女似她就最好,但兩個小朋友的樣子暫時都比較似爸爸,珠珠笑說自己已接受了,最緊要仔女健康。 ▲當妹妹仍在媽媽肚內時,Hayden曾說過:唔想要妹妹!但妹妹出世後, Hayden有180度轉變,覺得有個伴一齊玩,更突然長大了負起哥哥責任照顧妹妹。 ▲珠珠做了全職媽媽湊兩個後,大呻湊得辛苦,不打算再生多個了,兩個夠晒數! ▲兩兄妹不喜歡食奶嘴,鍾意啜手指。 Vincent

Newspapers in Chinese (Traditional)

Newspapers from Hong Kong

© PressReader. All rights reserved.