細女半歲大割眼瘡

Oriental Sunday Kiss - - Sunday Family -

珠珠為囡囡的皮膚問題苦惱之際,還發現一個棘手問題,在囡囡四個月大時,其中一隻眼睛突然腫起來,原以為只是衞生問題,清潔過後就無事,怎料幾天後,眼角邊起了一粒小瘡,就像大人生「眼挑針」一樣,而且還愈來愈大⋯⋯原來囡囡生眼瘡。「醫生有俾藥水藥膏搽,但無效,拖咗個幾兩個月後,醫生建議我哋睇眼科專科,就確認佢係生眼瘡,BB好常有。醫生提議兩個方法,一係熱敷,敷爆佢,啲膿就會流出嚟;第二就係做手術割除,咁我梗係唔想啦,咁細個BB要佢承受手術、落麻醉藥⋯⋯所以我就揀熱敷。」

網上媽咪group都有好多媽咪分享小朋友生眼瘡的做法,有敷熱雞蛋、敷熱毛巾,但這些方法只適用於早期,亦未必一定成功,最快捷及斷尾方法還是做手術割除,珠珠試用毛巾熱敷方法也失敗。「熱敷後反而結咗焦,即熟咗唔爆,愈熟愈縮,已經冇咗谷膿個狀態,變咗一粒死咗嘅瘡咁。」

成大粒瘡影響外觀,更怕影響視力,連囡囡都感到不耐煩,有一晚用手抓到流血,非做手術不可,最終BB都要捱一刀。「醫生話再唔割就有疤,因為已經爆咗流血,始終女仔有疤唔好睇,又驚影響眼睛,所以第二日即刻入院割。」幸好手術成功沒有留疤痕,現只有少少紅,慢慢會減退了。醫生解釋BB正值高速發育時期,所以生眼瘡不足為奇,而眼瘡大多是由脂肪及膿組成,所以也沒有甚麼預防措施,但只要及時治療,就不會有疤痕,家長可以放心。

手術後,Sonia的眼睛蓋上紗布熟睡中。 ▲妹妹最鍾意同哥哥玩,一見哥哥說話就笑,對哥哥最黐身。 ▲哥哥升上一間國際學校讀K1,因珠珠希望為他減輕壓力,在輕鬆環境下成長。 Hayden現在好錫妹妹,拍攝當日錫到妹妹燶!

Newspapers in Chinese (Traditional)

Newspapers from Hong Kong

© PressReader. All rights reserved.