趙勁皓盧頌之

Oriental Sunday Kiss - - Sunday Family -

●撰文:Ling ●攝影:Issac Poon

(部分相片由受訪者提供) ●設計:Linda ●化妝:King Yip@KINGS MAKEUP ●髮型:Louis@KINGS MAKEUP ●場地:King's Fitness(tel: 9661 2100 / 6102 6328)

大隻仔趙勁皓(King)及 模未婚妻盧頌之( Da d a),即將榮升新手父母,Dada將於下周3月15日剖腹產女,乳名「踢踢」,記念B女常在媽咪肚中狂踢,可能遺傳了爸爸的運動基因。

King早前因一句Dada冇得生就分手的戲言,惹來群插,King解釋當初只是講笑,絕對沒有此想法, Dada亦指兩人經常戲言互窒,King其實是一名暖男,懷孕期間對她呵護備至,尤其分擔到她的情緒波動問題。兩人準備誕下B女後籌備婚禮,連同BB百日宴一齊搞,雙重喜事更開心。

28歲 的Dada直 言選擇開刀因自己怕痛,亦不想有任何差池,因自己出世時亦因臍帶纏頸兩圈,令計劃順產的盧媽媽要改為開刀。「所以我都好驚,亦唔想痛咁耐,所以決定開刀。」醫生強調最重要產婦感覺舒服,並指出一個現象:「愈後生愈想開刀,愈大年紀愈想順產。」

King和Dada外表看似爛玩的年輕人,實際好喜歡小朋友,希望趁後生組織家庭,又覺得在雙方感情基礎穩定下,不一定要先結婚後生仔,他們覺得可以掉轉次序,故開始不設防,King說:「我哋有keep住做呢件事,有就有冇就冇啦,好順其自然,冇諗過咁快中。」身旁的Dada大笑道:「哈哈,其實我哋好少(做)㗎咋,我哋唔係一齊住,忙完又大覺瞓,所以真係一份禮物。」

但為何不在懷孕初期結婚?可以盡快名正言順成為趙太。「我哋唔想一有咗就急住結婚,想慢慢搞個婚禮,我哋好怕繁文縟節,應該唔會鋪張擺酒。」兩人現時仍分開居住,但會互相上大家屋企照料,而傳統上大肚婆亦不宜搬家,Dada待產後才慢慢遷往新居一齊住,坐月期間會留在娘家,有媽咪幫手。 快將成為媽咪的Dada,身邊的 模好友Annie G(.吳燕安)和Hidy(余曉彤),齊齊上岸做媽咪,更一齊生女做姊妹花。被問到會否收起性感,她明言:「其實我都冇做 模好耐,所以都冇咩特別。」回想第一次產檢見到BB已經好興奮,到第二三次聽到心跳,心裏更泛起一陣感動,好期待BB出世。訪問當日距離Dada剖腹的日子不足四周,隨着與B女見面的日子愈來愈近,心情也愈來愈緊張。「個肚開始急速脹大,King成日話我行路似企鵝,瞓覺又會腰痛,因為阿B愈嚟愈重。其實準備工夫都做得七七八八,但真係第一次感到咁徬徨無助,因為真係完全零經驗,所以都好緊張,但我同King準備好㗎喇,身邊亦有好多人幫,應該無問題。」 對於未婚懷孕Dada看得淡,不急於一懷孕就要結婚,寧願BB出世後再慢慢籌備,與BB一齊搞百日宴仲開心。

▼Dada將於下星期3月15日剖腹誕B女,已經準備就緒,心情好緊張因為完全零經驗,但她有家人、陪月及好多朋友幫忙,相信自己可以勝任新手媽咪!

Newspapers in Chinese (Traditional)

Newspapers from Hong Kong

© PressReader. All rights reserved.