我的

紅館夢

Oriental Sunday More - - More / Cover Face -

出道幾年,就能踏上紅館開四面台演唱會,JW說起這件明年一月的盛事時,除了興奮,還是興奮,「記得舊年九展演唱會之後,公司應承幫我入紙紅館時,我以為要等幾年,點知一年就成功,真係好surprise呀!」

當初以為被整蠱,直至同事親手將確認信給她核實,她禁不住高呼:「Oh my god!It ’s happening!」新人上紅館,不是沒先例,「坤哥都上啦!我年資唔多,有呢個機會,真係好幸運。」收到好消息未夠一個月,她已經滿腦大計:「好想做一個有快歌、有慢歌、有跳舞又同觀眾交流,包羅萬有的演唱會,觀眾睇完可以帶走一個好回憶,咁至係精彩。」

每一個自小喜歡唱歌,又有幸入行的歌手,都有個「紅館夢」,JW的版本又如何?「我想將由細到大鍾意的歌呀舞呀,全部表演畀fans睇,例如參加學界歌唱比賽唱過的英文歌,係小時候跟媽咪聽到大的,好想唱畀大家聽,例如我近年好喜歡的hip hop和rap,又好想唱,或者似我好喜歡的Adele一樣,好安靜好抒情咁唱情歌,仲有仲有,所有Disney Princess唱過的歌,我都好想擺落rundown,噢……我仲未諗到點樣擺埋一齊。」

點子太多,時間太少,怎樣令三小時表演有意義有氣氛?她月初還特地到美國睇騷取經,「跟Kendrick和Bryson Tiller學嘢,雖然我唱慢歌為主,不過好想學習外國藝人那種感染力,一個眼神、一個小動作,足以帶動全場人投入氣氛。」

Newspapers in Chinese (Traditional)

Newspapers from Hong Kong

© PressReader. All rights reserved.