咀前要備案

Oriental Sunday - - 太 八姨 手記 -

Bosco有殺錯冇放過,在口甜舌滑狂冧攻勢下,與他合作的女演員少啲定力實中招。去年他與黃翠如合作拍《幕後玩家》,劇中有親熱戲,據知當時已令有份主演的蕭正楠呷晒大醋,今次二人再在《溏心風暴3》演情侶,開拍前蕭正楠已問長問短,知情者透露:「蕭公子(蕭正楠)好緊張翠如,做男友嘅睇住女友同第二個男人咀,幾大方都係假,再加上嗰個係媾女唔眨眼嘅Bosco,點都會有啲忌諱。佢同翠如講如果可以就借位,盡量唔好咁到肉,不過導演話一定要咀,翠如冇得揀,惟有每次事前都同男友備定案,等蕭公子得個知字。Bosco都知蕭公子介意,不過知還知,有得咀佢實去到盡,唔會話特別避忌囉!」

為減輕蕭正楠醋意,Bosco早前公開表示自從拍完《幕後玩家》,與翠如、蕭正楠和張繼聰成了四兄弟,此後Bosco與翠如名正言順玩到癲,甚至有身體接觸。翠如早前亦承認,與Bosco情如兄弟:「同三條仔一齊出街,比起我同蕭正楠出街仲親密,我哋好冤氣。」

Newspapers in Chinese (Traditional)

Newspapers from Hong Kong

© PressReader. All rights reserved.