箍實睇劇本

Oriental Sunday - - 太 八姨 手記 -

上周四(27日),Bosco與翠如一早入迪士尼樂園為《溏心風暴3》拍外景,二人寓工作於娛樂,邊拍邊玩,即使導演已嗌cut,都繼續搭晒膊頭,期間仲一齊睇手機玩作一團,完全無避忌。拍至晚上7時全劇組到中餐廳放飯,飯後小休時,Bosco拿出劇本與翠如一齊睇,期間他突然出手箍實翠如條頸,令她挨近自己,只見翠如照單全收,未有半點抗拒。這一幕攬到實旁若無人,就連坐在一旁的韋家雄亦扮睇唔到。

飯後離開餐廳準備拍咀戲,在眾多途人圍觀下,翠如表現得有點拘謹,Bosco就繼續主動,托住翠如塊面不停試位,最後埋牙一咀,Bosco閉上雙眼不知幾陶醉,老手果然老手,一take過搞掂,拍完咀戲二人又嘻嘻哈哈繼續玩。就Bosco與翠如又拍咀戲及鏡頭後咁親密,周日(4月30日)蕭正楠回應時口講話唔介意亦唔過問,不過他完全掌握女友幾時拍咀戲,又自爆Bosco上次與翠如咀前面都青晒,曝露晒佢緊張之心。

今次在迪士尼取景,翠如同Bosco兩個大細路邊拍邊玩,難理樂園人頭湧湧,不停畀自由行影相。 ▼見翠如好鍾意戴卡通帽扮cute, Bosco細心地為她整理,然後攬埋一嚿笑到癲。 ▼ Bosco翠如當正自己去玩,將黐住坐旋轉木馬同玩Ironman的合照放上網,如果唔係有劇組在場,真係以為佢哋入樂園拍拖。

Newspapers in Chinese (Traditional)

Newspapers from Hong Kong

© PressReader. All rights reserved.