盡快收歸己有

Oriental Sunday - - 太 八姨 手記 -

翠如性格率直可愛,父親黃永華擔任執行董事的聯旺集團(08217)市值二百幾億港元,有樣有家底又是無綫當家花旦,蕭正楠視她如珠如寶,為做乘龍快婿不容有失,惟有自己睇緊啲。據知翠如與蕭正楠拍拖三年,已發展至同居試婚,翠如雖然有個富爸爸,但她事業心重想靠自己,唔甘心咁快收山做人妻生B,想搏多幾年先,故蕭正楠多次提婚都食檸檬。

蕭正楠原本計劃八月與翠如去沖繩旅行,日前他向本刊記者提及該地的教堂好靚,興致勃勃說:「係呀!個教堂好靚,我拍《巨輪2》去過,不過對我嚟講太遠喇!結婚係開心事,冇嘢好呃,唔知幾時,順其自然啦!到依家都未有plan,未諗用咩儀式進行。(會唔會自己搵多啲等翠如唔使再拍劇咁辛苦?)咁佢鍾意拍,演員梗係想有多啲機會突破自己,佢依家咁忙我都開心嘅!」聽得出蕭公子想做老襯囉!不過翠如未ready,急都急唔嚟。

▲翠如有個身家億萬上市公司爸爸,蕭正楠一早見晒家長融入家中,不過講到婚期,蕭正楠話未有確實時間表。

Newspapers in Chinese (Traditional)

Newspapers from Hong Kong

© PressReader. All rights reserved.