孫耀威Macy

Oriental Sunday - - 太 八姨 手記 -

44歲嘅(老孫)孫耀威同拍拖8年嘅女友陳美詩( Macy),之前被影到喺澳洲墨爾本影結婚相,二人對婚訊不置可否,及至上周老孫出席加盟星娛樂唱片公司記招,親自報喜,宣布同Macy已喺美國洛杉磯簽紙註冊結婚,老孫仲透露早於三年前喺瑞士一間甜品店拎住束鮮花下跪求婚,二人當時都感動到喊,但由於忙於工作一直未有時間籌備,直至早前至簽紙註冊,因為Eric、Macy都係基督徒,計劃喺香港嘅教堂行禮及補擺喜酒,希望今年成事!日前老孫同Macy現身尖沙咀美麗華商場,原來佢哋拍住拖去老孫開設嘅禮服店巡視業務,見老孫同店員有傾有講,之後仲親自將禮服試上身睇效果。唔使問老孫梗係着番自家禮服做人肉生招牌啦!

▲公開婚訊後,Macy喺微博話唔少人都叫佢做「孫太」、「孫C9」,佢對此稱呼都好受落!

正式成為孫太嘅Macy,呢日繼續做跟得夫人陪孫耀威巡舖! ▲入到舖頭兩人聽員工匯報業務,忽然相視而笑,究竟係sweet到笑定係賺到笑?!

▲早前西裝店開幕, M a c y同老孫齊齊剪綵,原來佢當時已經成為孫C9!

快啲生個小小孫 我抱!設計對白

Newspapers in Chinese (Traditional)

Newspapers from Hong Kong

© PressReader. All rights reserved.