彭家麗開騷

Oriental Sunday - - 太 八姨 手記 -

彭家麗周六(6日)喺旺角麥花臣場館舉行《是不是這樣的夜晚你才會這樣的想起我》演唱會,等咗27年至有機會開騷,彭家麗演繹多首經典作品,又唱出廣東、國語、日文及韓文歌,大晒語言天份!佢仲請嚟胞弟彭皓鋒合唱兼合作打太鼓,本來彭家麗想請蘇永康做嘉賓合唱〈從不喜歡孤單一個〉,可惜對方登台唔喺香港,結果請咗好友王祖藍做嘉賓,兩人合唱〈從不喜歡孤單一個〉時,祖藍忽然「朱主席」上身,連續唱咗幾句都走音兼錯拍子,搞到彭家麗忍唔住叫停要重唱,祖藍搞笑話:「你哋唔識貨,彭家麗唱先叫走音吖嘛!」後來祖藍一本正經完成合唱。到尾聲,彭家麗壓軸唱出經典歌〈是不是這樣的夜晚你才會這樣的想起我〉時,一臉依依不捨喊住話:「2013年網上片段(同朱主席合唱嘅片段)瘋傳,令我有機會出唱片,有機會喺呢度開演唱會,雖然我覺得未喺最佳狀態,但神喺整個過程畀我學識好多,真係唔易!」

▲嘉賓王祖藍同彭家麗合唱〈▲從不喜歡孤單一個〉,祖藍搞笑大唱走音版,仲話:「我實現咗中學時嘅夢想,所以我唔會話細細個就聽彭家麗啲歌,係中學唔係小學。」

▲彭家麗獲圈中好友包括宣萱、寶佩如、林志美及楊玉梅等到場支持,彭家麗感激祖藍太太李亞男,因為知佢哋平時因工作見面唔多,但都肯畀祖藍做嘉賓。

Newspapers in Chinese (Traditional)

Newspapers from Hong Kong

© PressReader. All rights reserved.