李珊珊

Oriental Sunday - - 太 八姨 手記 -

前港姐冠軍李珊珊淡出娛圈神隱多年,舊年突然有傳佢患腦瘤,但佢否認有其事,只係話身體出現毛病,珊珊仲話打算將佢嘅港姐后冠拎出嚟作慈善拍賣,不過近日又有報道指佢因疲勞過度導致腦瘤復發,仲一度發高燒到休克要緊急送院。珊珊日前凌晨時分喺微博承認過去嘅四個多月曾出入醫院,但就解釋只係有些小病痛而唔係大病,形容人年紀漸大,就如同機器操作多年,零件出問題需要修理,這是正常不過的事,請大家唔好大驚小怪。只係病情屬於私隱,所以冇公開透露詳情。佢又話醫生都話佢為咗搞拍賣港姐后冠一事太辛苦,令康復中嘅身體出現阻礙,建議佢要多休養!

▲珊珊為拍賣港姐后冠一事相當費神,而因現階段身體難以負荷,佢惟有聽從醫生建議先養好身體,仲話有信心最終將拍賣辦好。

▲近月多次入院嘅珊珊,於5月10日透露只能食白粥同麵包,相信當時都病緊!

▲珊 珊 近 半 年 鮮 有po個 人相,今年2月佢喺微博透露學 化 妝,po咗 張 黑 白selfie,相中所見精神不俗!

Newspapers in Chinese (Traditional)

Newspapers from Hong Kong

© PressReader. All rights reserved.