王君馨:期待婚後日對夜對

Oriental Sunday - - 太 八姨 手記 -

記:本刊記者 王:王君馨

記:婚禮搞好未?

:未搞好,婚禮會喺美國會舉行,請咗二三百人,想大家輕鬆、溫馨少少,唔想太隆重、同啲來賓坐得太遠,想大家free啲嘅感覺。記:係咪會兩地擺酒?搞婚禮最頭痛係咩? :係呀香港外國都會擺酒,最頭痛係冇時間搞,因為之前拍劇依家拍電影,多得啲姊妹幫手。

記:禮餅、婚前檢查、晚裝、男士禮服都有贊助,係咪慳番唔少?婚禮預計用幾多錢? :最感恩花曼角色令我多咗好多贊助,除咗婚紗冇,其他嘢好多都有贊助,不過因為外國婚禮冇贊助,兩邊加加埋埋一定超過七位數。記:你哋就嚟結婚,老公Daniel心情點? :有時會好緊張,有時好期待又好興奮。

記:同Daniel一齊生活點? :我哋仲係分開住。記:堅守擺完酒先洞房,將自己送畀老公仔?老公係咪等得好心急? :都等咗十二年,都唔知佢心唔心急呢,大家都會期待囉,如果等十二年都唔期待,我哋就應該好慘喇。其實大家期待結完婚之後日對夜對,終於多少少時間兩個人相處。記:會唔會度蜜月去幾個月,過多啲二人世界先? :當然想啦,我嚟緊都開劇,同埋佢都要返工,度蜜月會分幾次,希望每年都抽到時間去啲未去過國家。記:計劃生小朋友未?老公想你生幾多個? :我哋都希望可以湊到個好字,要等神安排,暫時二人世界長少少,想學習學做一個好老婆先,再去學習做一個好媽媽﹗

老竇做生意老竇做生意、美國住豪宅的王君馨,當年獨自回港發展事業,一直靠美 住豪宅的自己冇靠父蔭。現升呢做人妻,老公在紐約任職banker,收入可觀,不過君馨依然慳家。近日忙籌備婚事的準新娘子,周六(20日)被本刊捕獲逼入正進行大減價的崇光百貨內掃貨。

Newspapers in Chinese (Traditional)

Newspapers from China

© PressReader. All rights reserved.