靚靚Chilam

Oriental Sunday - - 太 八姨 手記 -

成日問夫妻相處之道,結婚多年點維繫?呢方面應該請教袁詠儀同張智霖喇,靚靚得閒一句寸老公廢,一時Chilam回敬叫老婆送樓,呢啲打情罵俏每日不時在上演。就係咁佢哋拍拖10年,再由情侶變夫婦,結咗婚眨吓眼都16年,唔單止歲月喺佢兩個臉上不留痕跡,連感情都廿年如一日。放工對住仲唔夠皮,兩年前兩公婆孖住拍內地真人騷,之後成日孖住接廣告、出event,就算Chilam出埠開工,靚靚都做跟得夫人,去到邊都黐到實,鬼咁冤氣!

真係有證有據,早兩日八姨太喺銅鑼灣街頭見到靚靚同朋友行街,以為佢今次賣甩老公同個仔自己happy,原來佢只係行過幾條街去會合揸車嚟接佢嘅老公Chilam咋,行街都管接管送,認真癡纏。佢兩公婆除咗啱key啱嘴形,最夾就係大家都有顆向善的心,最近就拍住拖去杭州普陀山拜佛,仲組團約埋老友蔡一智夫婦等人,一團人走訪各大寺廟朝聖之餘,又玩足幾日,大家都撇低仔女,享受吓拍拖日子 ﹗

▲靚靚喺轉角位撞到朋友嗲兩句,點知有位大叔大搖大擺逢人撞掂行掂過,仲差啲撞到靚靚,好在靚靚夠敏捷一個閃身避過咋!

靚靚大讚淨慈寺非常漂亮,更有幸認識到親切嘅住持戒清大師,並於網上留言:「清完成了普陀山之旅後,大家再家再有緣份到了杭州參拜了淨慈寺。」

▲ Chilam樂做柴可夫接靚靚返歸,友人舉機玩自拍,Chilam更主動揸機,好gentleman!

Newspapers in Chinese (Traditional)

Newspapers from Hong Kong

© PressReader. All rights reserved.