王菲

Oriental Sunday - - 太 八姨 手記 -

一向cool爆嘅王菲,原來都有菲 來都有wild嘅一面!話說王菲同前夫李亞鵬為患 話說 菲 前夫李 鵬為患有兔唇嘅囡囡李嫣而創立嘅「嫣然天使基金」,日前喺內地舉行慈善晚宴,唔只李亞鵬,王菲連同兩個女竇靖童、李嫣都有出席。

王菲同李亞鵬再見亦是朋友,離婚後一直保持友好關係,今次為基金再次合體,大家一心為基金出一分力。戴上黑超著露肩裝嘅王菲,全晚笑容滿臉,一度嫌現場音樂唔夠勁,叫人開大喇叭,又帶頭落舞池跳舞,之後仲拖埋童童、李嫣連同李亞鵬,同在場嘉賓一個搭住一個膊頭大玩接龍!喺王菲帶動之下,全場氣氛高漲,而跳足成晚high爆滿場飛嘅王菲,臨走時邊行邊自嘲:「喝大了!」盡興而歸。

26

▲嫌現場音樂唔夠勁,王菲索性向台上大叫:「這曲子能不能high一點?」

▲散場時,王菲邊行邊自嘲:「喝大了!」聽到有粉絲大讚佢靚女,又笑住回應:「還好美呢?都多大了!」仲識自嘲,唔醉得晒喎!

▲竇靖童已經20歲長大成人,所以王菲都放手畀佢自由發展,仲唔介意母女齊齊暢飲。

▲王菲同李亞鵬再見亦是朋友,李亞鵬跟兩女關係要好,所以童童同李嫣從不缺父愛。

Newspapers in Chinese (Traditional)

Newspapers from China

© PressReader. All rights reserved.