大家覺得我好強,似操控狂,其實我係小鳥依人。

畀老婆航住,老公無奈表示贊同。

Oriental Sunday - - 名氣圈 -

蔡少芬(Ada)同老公張晉一齊做代言人出活動,被指掌管財政大權,老公只攞零用錢生活,Ada話自己管得好,老公先可以安心搵錢。對於張晉封佢做管家婆,Ada撒嬌話:

張繼聰喺社交網轉發阿仔張瞻喺YouTube嘅Channel,喺短片裡面張瞻夾埋個同學仔,用「猜情尋」嘅方法輪流去試屋企嘅零食,阿聰留言話:喺網上真係學到好多嘢,今趟我就學到要將屋企嘅零食鎖好!老竇咪咁孤寒啦! 古天樂被問及點解仲用緊09年生產嘅滑蓋手機,佢答:用慣咗,咁咪繼續用囉!我覺得有啲習慣,都係一個美好回憶嚟嘅。長情男人買少見少。 杜汶澤接受電台訪問被主持人問陳年傳聞,問究竟同劉德華吳君如係咪唔啱,佢扯火炮轟:我真係睬你都生臭狐啦!寸得有道理。 林作宣布簽新經理人公司,日前帶埋師妹何彥芷向世界武術賽冠軍鄭仲恒拜師學武,師妹話想學自衞招防身,林作大講有味笑話:你講自慰定自衞?攞碌嘢嚟。風趣同賤格只差一線。 鬼妹陳明恩新婚冇耐,佢話想年多後先考慮生BB,但唔排除有意外,問佢擔唔擔心將來小朋友因樓價太貴冇屋住,佢話:最多一齊瞓。又係土地問題。

Newspapers in Chinese (Traditional)

Newspapers from China

© PressReader. All rights reserved.