金牌經理人陳自強離世

Oriental Sunday - - 太 八姨 手記 -

縱橫娛樂圈40年,一手捧紅多位巨星嘅金牌經理人陳自強,本月25日被家傭發現於睡夢中安詳離世,終年77歲。

70年代從大馬來港發展事業,陳自強全盛時期手下粒粒皆星,成龍、張曼玉、張學友、鍾楚紅、王祖賢、梁朝偉、劉嘉玲、梁家輝等個個響噹噹,尤其係跟成龍長達38年嘅合作關係,將成龍從龍虎武師捧上天變國際巨星嘅戰績最為人津津樂道。雖然近年成龍因為長駐內地二人已少有合作,不過陳自強去世後,呢位當年戰友亦有發文道別:「陳自強走了。我一生中最重要的人,又離開了一個。很多人知道,沒有當年的你,就沒有現在的我,但沒有人知道我們真正一起經歷的一切。好在我們都知道,都了解。永遠懷念你,我的前輩,兄弟,大佬,走好。」據悉除咗兒子房祖名將會回港送別契爺外,成龍亦跟演藝人協會全力張羅籌備昔日戰友嘅身後事。

陳自強喪禮定於11月22日假香港殯儀館設靈,翌日(23日)出殯,將以基督教儀式進行,安息禮後隨即奉柩哥連臣角火葬場火化。 張曼玉玉、鍾楚紅都愛稱呼鍾楚紅都愛稱呼陳自強為「老竇」,陳自強去世後,紅姑說:「好驚訝好傷心,佢好有耐性、好和善,對我事業好大幫助。」 ▲全盛時期嘅陳自強當年旗下紅牌巨星無數,成龍、張曼玉、鍾楚紅、張學友等人如今已屬殿堂級。

▲當年跟張曼玉、鍾楚紅同為陳自強旗下藝人,鄭裕玲喺電台節目中談及陳自強:「佢係一個好好嘅經理人,喺佢身上學到好多嘢,多謝你,Willie!」

Newspapers in Chinese (Traditional)

Newspapers from Hong Kong

© PressReader. All rights reserved.