富士山Glamping兩手揈揈豪玩團

Weekend Weekly - - TRAVEL WOW! -

港人鍾情富士山,攻頂亦成了近年大熱行程,不過對嬌生慣養人士而言,未免太hardcore!幸好除了行山,還有Glamping新玩法,可以無憂無慮、全天候望著富士山來個豪華露營,懶人最愛!可是,Glamping價錢一向偏貴,以富士山為賣點想必貴到飛天,怎料KKday最新推出的富士山豪華露營package有驚喜,3日2夜每人收費$4,361,伙食全包,一日為起約$1,500,最重要是每餐都有專人準備,閣下只需繑埋雙手,便可將富士山私有,CP值極高!

忙到爆!合家歡營地節目

營地位於靜岡縣的富士山兒童國,這裡每年6月至9月推出期間限定豪華露營,好天時,會清楚望到富士山,雖然距離較遠,但仍能感受到富士山被喻為「聖山」的氣勢。營地節目出奇地豐富,浸溫泉、划艇、烏冬製作體驗、手作飯糰、營火會等等,真正由朝玩到晚,唔啱玩的話,還可以到園內的FUJI Safari Park睇動物及水之皇國釣魚,節目超豐富!食物方面,晚餐BBQ絕不馬虎,大部分採用靜岡縣食材,愛鷹和牛、朝霧高原特產優酪豚及富士市在地時蔬,質素比坊間餐廳有過之而無不及!最抵讚是午餐設有流水麵,由工作人員即場搭製竹棚,望住富士山食流水麵,一次滿足3個願望,超正!

富士山3日2夜豪華露營•地址:靜岡縣富士市桑崎1015番地(富士山兒童王國) •電話:+81(- 0)545-22-5555

•集合方法:於JR新富士站北口集合•收費:$4,361 •費用包括:入浴費、帳篷、床、桌椅等相關設備、消費稅、6餐、露營基本設備、中文隨行翻譯、營地到 JR新富士站接送費用(來回)、富士山兒童國入園門票與內部免費使用設施•網址:www.kkday.com/zh-hk/product/8376

營地中央是Common area,設特大天幕,除了是聊天室,亦是充電器大本營。

1個圓形帳篷設3張氣墊床,加埋睡袋,唔怕瞓唔著!

營地共有7個直徑約5米的SIBLEY圓形帳篷,唔講唔知,一個篷價值約1萬元,住得過!

好天氣的話,就連日落都會清楚望到富士山呢!

優質BBQ鑄鐵鍋煮愛鷹和牛,入口超juicy,加上牛味極濃,超好食!

隨意發呆在天幕下發呆,都會幸福到笑。

手作烏冬麵烏冬製作體驗班,搓完麵條即煮即食,感覺零舍充實。

搭掤流水麵流水麵味道普通,不過勝在夠好玩!

Newspapers in Chinese (Traditional)

Newspapers from Hong Kong

© PressReader. All rights reserved.