An Dúlra

Irish Independent - Seachtain - - Ar.fheabhas -

Déanann Ní Dhomhnaill go leor tagairtí don dúlra ina dán, mar shampla, ‘bláth na n-airní... nóiníní... úlla... caora fíniúna...’. Déanann sí é seo chun codarsnacht a chruthú, idir an úsáid mhaslach, áibhéalach, sheafóideach a bhaineann sise as íomhánna an dúlra chun cur síos a dhéanamh ar a leannán, agus an úsáid bhréagach, phlámásach a bhain na seandánta grá as íomhánna an dúlra. D’úsáid na seanfhilí an dúlra chun íomhá ‘dhochreidte’ álainn a chruthú dá leannán. Úsáideann Ní Dhomhnaill an cleas céanna anois, ach é casta ar a cheann, chun íomhá réalaíoch dá leannán a chur in iúl dúinn. Déanann sí tagairt dhíreach don tsamhail choitianta a bhí in úsáid ag na seanfhilí, ‘mar bhláth na n-airní’. Na Lúibíní Tá greann ag baint leis na lúibíní sa dán seo. Tá áibhéil sna lúibíní, téann sí thar fóir leis na híomhánna, í ag labhairt faoi bhás a grá. Cuireann sé seo le greann an dáin. Sa teideal, insíonn an file dúinn gur dán grá atá ann, ach ‘idir lúibíní’. Léiríonn sé seo dúinn nach dán grá nósmhar é ón tús. Tá sí i ngrá ach níl sí dall, b’fhéidir go bhfuil agúis (reservations) aici. Léiríonn na lúibíní go bhfuil sí réalaíoch. Is siombail iad do na teorainneacha a bhaineann le daoine; níl éinne foirfe agus níl sé réalaíoch ceapadh go bhfuil do ghrá foirfe.

Newspapers in Irish

Newspapers from Ireland

© PressReader. All rights reserved.